Решаем вместе
Не убран мусор, яма на дороге, не горит фонарь? Столкнулись с проблемой — сообщите о ней!
Меню
12+

Сетевое издание "Редакция "Голос времени"

31.01.2020 12:23 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Лаккуйсса Шушиннал щарниха

Автор: ХIабибат Магьдиева

Хьурдай цIулаган дан кIа Шушиннал щар,

КIай эяллу хьусса къатри гьаз дуван.

КIай кьасса къурдугу тIутIайх бичин бан,

КIай лухIи ларх арду урттухьхьун гьан дан.

Хьурдай балай тIи бан щюлли къурату,

Шушиннал бювхъусса ххалилсса душру.

ХьхьичIра макьанналий лахъсса балайрду

Экьи нани буван лагма щархъавух.

Хьурдай буцин архIал Шушиннал къурув,

Саидат ва Мари, Уммугьалигу.

Хьурдай вичIи дишин лахъи балайлух:

КуртIсса дакIнивату гайннал учайсса.

Агь, ччива бурган гьан ттула шяравун,

БавтIун щала щарнил ххаллилсса агьлу,

Мюрщими, хъуними, цинявппа архIал,

ЦIу лагайрив ккаккан кьариртсса аьрщи.

Мисидул къурату тти балай бакъар,

КIунтIатIи щаращи утти кьакьлай бур.

Варси бакIуяту хъатIултрал чIурду,

Леххаву тIийна бур циван буссарив.

ОьтIий бухьунссар кIай щарнил

халкьуннайн,

Нанира бурган тIий буттал аьрщарах.

Язугъну ливчIун бур кIа оьбакIу тIий,

Ххалилсса жагьилтал ци бурдивав тIий.

Ци язугъну дурвав щарнил хIатталу,

Кьулгьу — кьуран буккин цучIав акъар тIий.

Ци къуману бурвав левкьсса къатригу,

Мина – гьану щалла духларгунни тIий.

БувкIсса оьрму

Лаглай бур гьантригу куннил хъирив ку,

Лаглай дур хIаллицIух жагьилшивугу.

ЛичIлай дур дакIниву цIуцIаврил аьшру,

Ккарксса захIматшиврул оьрмулувусса.

Лавгунни чIявусса жунма ххирамий,

Кьабивтун жувагу, ва дуниялгу.

Чан хьунни дувсталгу жунма ххирасса,

ДакI тIайлану жула чIарав бацIайсса.

ЛичIи хьунни чIунгу, ва дуниялгу,

ЛичIи хьунни жула лагмациривгу.

ДуркIунни чIун цIана дурчIин къашайсса,

Лавгсса га оьрмулий мяш хъанахъисса.

Инсаннал дакIнивун урган къашайссар,

Гиву ци буссарив жунма къакIулссар.

Хъяй, гъалгъа тIий жухьва цу ухьурчагу,

Ганайн дурксса кьини жунна къакIулссар.

Ччива каши ттухьра ва дуннияллий,

Циняв кьини дуркнал чIарав бацIансса.

Циняв ятинтуран нинушиву дан,

Циняв къумаминнал дакIру рахIат дан.

Инсаннал бакIрачIан дуккай кьинирду,

Ххарисса, къумасса, лахъан захIматсса.

Дулуннав гьарцаннан каши Аллагьнал,

Цайнна дурксса кьини лахъан бюхъайсса.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2