Решаем вместе
Не убран мусор, яма на дороге, не горит фонарь? Столкнулись с проблемой — сообщите о ней!
Меню
12+

Сетевое издание "Редакция "Голос времени"

27.01.2021 14:50 Среда
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Барчаллагьрал ххару

Уттигъанну, ва щалагу дунияллийх ппив хьусса кIулдакъа цIуцIаврил къашай хьуну, на багьунна больницалул инфекционный отделениялийн. Хъунмасса барчаллагь учин ччай бура отделениялул хъунмур Шахмарданова Бирлиянтлуйн, ца ттух дакъасса, цинявппагу къашайшалтрах дурсса дакI цIимисса аякьалухлу. Бирлиянтлул хъунмасса захIмат бивхьунни гьрцагу коронавирусрал къашай хьуну увкIма хъин уван. Гьарцагу ганил канилун агьсса къашайшала хъин хьуну увкссар больницалия. Цила жанналий рахIму къабувну зий бия Бирлиянт, хьхьурду гивура дичлай, къашайшалтрал ялув бавцIуну. ЧIявусса къашайшалт ххассар бунни ванил, жула районналия бакъассагу, цаймигу шагьрурдаясса ва шяраваллавасса, цуппагу къашавай буна, циятура ка гьаз дурну.

Агьали ялун бивсса оьсса балаллуща ххасар буллай, цила бувсса дакIнихтунусса кумаграхлу, Шахмарданова Бирлиянт лайкь хьунни «Заслуженный врач республики Дагестан»- тIисса цIанин. Бирлиянтлун ва азарданул тагьар дурчIуну дия цинявннаяр хьхьичI, ва хъин даврил шартIругу щаллу дурну дия чIумуй. Мунияту ванийн щалла район барчаллагьрай дуссар. Нагу бура хъунмасса барчаллагь тIий Бирлиянтлухь. ЦIуллушиву дулуннав тIий бура, оьрчIал ххари баннав, цинма ччийкунсса, ххарисса оьрму булуннав.

Коронавирусрая ххассар хьуну, шаппай бувкIун махъ, лякьлул приступ хьуну, багьунна ялагу хъиривъва больницалийн. Му хьхьуну дежурстволий ия жагьилсса, цувагу уттигъанну жула больницалий зий айивхьусса жагьилсса хIакин, Юнусов Артур. Му оьрчIал ттух ххишала дакъа дакI цIимисса ургаву дурна, на рахIат хьуннин ттул ялату сукку къавхьуна.

Барчаллагь тIий бура Артурдухь ва мунащал зий бивкIминнахь, хасну Нигматова Магьиятлухь, цIимилул я буруган байсса къашайшалтрах. Зун цинявннан цIуллушиву чIа тIий бура, каши ларай хьуннав тIий бура.

ЗахIматрал ветеран ПатIимат Мирзаева

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3