Жалобы на всё
Не убран снег, яма на дороге, не горит фонарь? Столкнулись с проблемой — сообщите о ней!
Меню
12+

Сетевое издание "Редакция "Голос времени"

11.02.2021 17:13 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Район ччаннай дац1ан дуллай бивк1ми

Автор: Зульмира Юсупова
Источник: Редакция районной газеты "Голос времени"

ЦIуссалакрал районналул щархъаву чIявусса бур Ватанналул бивхьусса бурж щаллу баву, мунилшиврий захIмат бишаву яхI-къириятрал цалчинсса буржну ккаллий буллай бивкIсса чиваркI.

Чапаевкаллал шяраву ялапар хъанай ивкIсса Сулейманов ХIанапи Сулейманнул арсгу ивкIун ур захIматрал ва бакIрачIан бувкIмунил сасан увсса, дакIгу, чурхгу кьянкьасса виричу. Кьулчинмур ттуршукулул дянивсса шиннардий хъуни хъанай бивкIсса оьрчIру, ччянсса мутталий, оьрмулул шинну диял хьуннинма, хъуни хьуссса оьрчIру хъанай бур.

Лякьа дуччинсса ччатIгу, чурх бащансса яннагу дириллай дакъана, гайннал щилчIавгу, ссалчIавгу хьхьичI бакI лахIан къадайсса диркIун дур.

Мукунма чансса бакъар Буттал кIанттул цанийсса Хъундяъви байбивхьукун, шинну диял хьуну дакъанура, хушрай дяъвилийн лавгссагу, хIакьинусса кьинисса жула тархъаншиву дуручлай.

ХIанапил оьрмугу лавгун бур ватанналул ялув уххаву дакъа зий. Увну ур ХIанапи I9I0 ку шинал Куллал районналий Къичурлухиял шяраву. Кьуния цара шин хьусса ХIанапигу лавгун ур хушрай дяъвилийн оьсса душманная ватан дуруччин. Ккуллал районналул военкоматрая I941- ку шинал лавгун ур ва талан. Талай ивкIун ур пулеметчикну. Ефремово тIисса муххал ххуллул станциялий Тульский областрай I942- ку шинал ХIанапинайн кIусса щаву дирну, никирая лавайсса ччан кьукьин багьну бур. Гания тихунай ХIанапинаща талан бювхъуну бакъар. Ччангу бакъа, чулахъ хьусса жагьил зана хьуну ур буттал шяравун. Дяъвилий талай лахъи къалавгнугу, дуллай ивкIсса виричувшиврухлу 25.07.I945 шинал ХIанапинан дуллуну дур ларайсса бахшиш шамилчинмур степеньдалул Орден Славы. Чурххал базу бакъа унугу, ХIанапи айивхьуну ур инсатуравух зий- занай, захIмат буллалисса оьрму бутлан. Ванал бувну бур кулпат, бувну бур оьрчIру.

ЗахIматрал ххуллу байбивхьуну бур цIусса миналий, ЦIуссалакрал районналий. Зий ивкIун ур къурнил къурайзуну, багъманчийну. Чурххал авкьатсса, битавсса адамина ккастиллай занан муксса ишла хьуну ивкIун урхха, ганаща бюхъайсса бивкьун бур хъирив хьуну, колхозрал багъравун ахъулссаннуйн ххявххусса жагьилтал бугьан. Хъунмур оьрму лавгун бур Орджоникидзел цIанийсса колхозраву складрай каялувшиву дуллай. Ссаха зий унугу, уздансса къириятрал заллу ивкIун ур ХIанапи.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4