Жалобы на всё
Не убран снег, яма на дороге, не горит фонарь? Столкнулись с проблемой — сообщите о ней!
Меню
12+

Сетевое издание "Редакция "Голос времени"

30.03.2021 15:34 Вторник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ванал цIа хъинну бусравссар шяраваллил жяматран

Автор: Зульмира Юсупова
Источник: Редакция районной газеты "Голос времени"

Ттун бусан чай бур ЦIуссалакрал район сакин шаврищал щалва цалва оьрму бавхIусса инсаннаяту, МахIаммадов Зурпукьал МахIаммадул арсная. Увну ур Зурпукьал Бярнихиял шяраву, Ккуллал районналий, I937 ку шинал. Зурпукьал хъанай ур, ацIния урчIуку туршукулий, Арасатнал Туркнащалсса дяъвилуву, I878-I879 ку шиннардий дурсса къучагъшивурттахлу Георгиевский крестрайн лайкь хьуну ивкIсса, Ттугъчи – Рамазаннул наслулувасса ца. Ттун бусан чай бур ЦIуссалакрал район сакин шаврищал щалва цалва оьрму бавхIусса инсаннаяту, МахIаммадов Зурпукьал МахIаммадул арсная. Увну ур Зурпукьал Бярнихиял шяраву, Ккуллал районналий, I937 ку шинал. Зурпукьал хъанай ур, ацIния урчIуку туршукулий, Арасатнал Туркнащалсса дяъвилуву, I878-I879 ку шиннардий дурсса къучагъшивурттахлу Георгиевский крестрайн лайкь хьуну ивкIсса, Ттугъчи – Рамазаннул наслулувасса ца. 

Зурпукьаллунгу, ганащал чIун аьрхIалсса цайми-цайми оьрчIан ва душаран ккаклай диркIцирив захIматшивурттая бавукун, чурххавун ццах буххай. Хьунавав ли цIанасса никираща гайннал бувх1умур бухIан? Кьянкьашиву ххал дуван кунна, оьрмулул кьадарданул Зурпукьал ккухIлахIи увну ур кьювурду. Оьрмулул мукьра шин хьувкун, байбивхьуну бур Буттал кIанттул цанийсса Хъундяъви. Ппу лавгун ур душманная Ватан дуручлан аьрайн. Шанна шин лавгукун, вайми щархъащал, Бярнихиял щаргу дизан дурну дур цIусса миналийн. Аьдат бакъасса гьава ва ппив хьусса цIуцIавуртту духIан къархьуну, ливтIуну бур нину ва кIива хъуними ссурвал. Ятинталну ливчIун бур Зурпукьал ва мунал хъунмур ссу ПатIиматгу. Бутта ивкIуну ур дяъвилий. Нину дирчIайни, Зурпукьаллул хъунмур ссу ПатIимат бивкIун бур захIматрал фронтрай. Нину- ппугу ливтIуну, ургансса цучIав акъа ливчIсса чIивисса оьрчI, агьну ур оьрчIал ятинтурал къатлувун. Ци бакIрачIан бучIарчангу Зурпукьал лахIан увну акъар захIматсса кьадарданул. Уздансса дакIгу, ларайсса къириятгу, чантI кусса аькьлугу бусса оьрчIал лявкъуну бур гуж марцIсса ххювардай школагу къуртал бувну, мукунма марцIну ххювардай Дарбантуллал шяраваллил хозяйствалул техникумгу къуртал бансса.

Оьрмулул I6 шин хьувкун, Зурпукьал хушрай лавгун ур аьрайн, бурж биттур бан. Амма миккугу мунал бакIрачIан бувкIун бур ялагу ца бала. Къашай хьуну, Зурпукьаллун бухIан багьну бур захIматсса операция. Мунища ххассар хьуну, цайна цува увкIукун, Зурпукьал увххун ур Дагъусттаннал шяраваллил хозяйствалул институтравун. Мугу къуртал бувну бур ятIул дипломращал.

Муния махъ байбивхьуну бур Зурпукьаллул чаннасса ва марцIсса захIматкашнал оьрму. Институт къуртал бувну увкIсса жагьил, зун ай ивхьуну ур Аьхъардал колхозраву агрономну. КIулшиву ларсъсса зузалт чув бунугу аьркинсса чIунну дия 50-60 ку шинну. Ахъаравгу хъунма хIал къабувну, Зурпукьал зана хьуну ур цала буттал шяравун, Чапаевкалий зун.

Хъиривсса шиннардий дакI марцIну захIмат буллалисса, аькьлу – кIулши ларайсса, бусан – учин кIулсса Зурпукьал, зий ивкIун ур районналул жаваблувсса, къуллугъирттай каялучийну. Райком партиялул инструкторну, шяраваллил хозяйстволул масалартту щаллу байсса идарарттал хъунаману. Зурпукьаллул хъунмур оьрму лавгун бур Орджоникидзел цIанийсса Чапаевкаллал колхозрал председательну. Га каялувшиву дуллалиссаксса хIаллай, Орджоникидзел цIанийсса колхозрал цIа ХIурматрал улттуя лирккун дакъар. Колхоз лайкь хьуну дур ДАССР- данулгу, РСФСР – данулгу занази ЯтIул ттугълийн.

Ци къуллугърай зий унугу, Зурпукьаллул цала инсаншиву зия дурну дакъар. Цува каялувшиву дуллалисса коллективругу Зурпукьаллуща бюхъайсса бивкIун бур ца бущилий бугьан. Гьарца инсанначIан ххуллу ласун кIулшиврул, гайннал дакIния щин хIарчIун, мурадру щаллу буван хIарачат буллалаврил, Зурпукьаллуща бювхъуну бур щарнилгу, районналулгу жяматрал дянивгу лавайсса хьурматрайн лайкь хьун. Зурпукьал ивкIун ур гьарца мюхтажнан ка – кумаг бан ччисса, захIматкашнал кьимат кIулсса каялувчий.

Буллалисса захIматрахлу Зурпукьал лайкь хьуну ур ДАССР данул хIурматрал грамотардан ва дипломирттан.

Ххуйсса зузала акъассагу, Зурпукьал ивкIун ур ххуйсса кулпатрал заллу ва ппу.

Кулпат, КьурбанпатIиматлущал тIайлану тарбиягу бувну, ларайсса кIулшивуртту ласун бувну бур кIия арс ва кIива душ.

Зурпукьал дунияллия лавгун шинну ларгнугу, лавайсса хIурматрай дакIнин рутлан бикIай ванал цIа. Мунал оьрчIал ххирасса буттал цIа зумату къадукьай. Зурпукьаллул цIа ххуй чулий дакъа кьицI къалагай шяраваллил жяматралгу.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1