Меню
12+

Сетевое издание "Редакция "Голос времени"

20.02.2020 15:29 Четверг
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ниттил маз - ттул ччаву ва ххаришиву

Автор: Умугали Яхьяева

Февральданул 21 нний хъанай дур ниттил мазрал кьини. Му кьини гьарцагу шинал жула районналул школардал хъинну бусравну, ларайсса сакиншиннарай т1айла дуккай. Жунма ч1алай бур ц1анасса ч1умуву ниттил маз ябаву мющи миллатирттал яла агьммур масалану бушиву. Мунин бувну, ниттил мазрал дарсру дишайсса учительтурал, школардай гьарцагу шинал ва кьини бусраврай т1айла дуккай.

Ц1уссаккуллал школалий ниттил мазрал дарсирдах ва ниттил маз лахьхьаврих лялич1ийсса къулагъас ва гъира буссар. Ва школалий ниттил мазрал дарсру дихьлай бур Мусиева Патимат. Ванил 35 шин хьуну дур ва школлалий зий. Ниттил маз ябаврил ва му гъалгъат1и баврил агьамсса к1ану бугьлай къабивк1ссания, щалагу дунияллий ниттил мазрал кьинину баян къабант1иссия 21 – мур февраль ЮНЕСКО-лул.

Гьарцагу шинал ва школалий ниттил мазрал кьини хьуна дакьай щаллагу щарнил байран хьун дурну. Школалий дуллалисса байрандалийн нину-ппу, шяраваллил ва районналул хъуними, дяъвилул ва зах1матрал ветерантал буч1ай, школалий байран дайдишин нюжмардул хьхьич1 дайдишай «т1ирт1усса» дарсру, лич1и-лич1исса конкурсру ва викторинарду. Дуклаки оьрч1ал ккаккан дай ниттил мазран хас дурсса театрализованныйсса пардаврду. Мукунсса дарсру дишай лакку мазрай дакъасса, ваймигу миллатирттал мазурдий цаймигу школардай.

Ниттил мазрал кьинилул байран дуван школалул администрациялущал аьрх1ал х1адур шай Патимат Кьурбановна. Февраль зурул дайдихьулийра дурну плангу, байбишайссар байрандалийн х1адур хъанай: назмурду лахьлай, сценарду х1адур дуллай, репетициярду дуллай, выстовкарду х1адур дуллай, шяраву щич1а дурив ххал дурну хьхьич1ара янна ва ужагърай ишла дайсса кьай-кьуй. Вана, ц1анакулгу ва школалий най дуссар ниттил мазрал байрандалийсса х1адуршинна. «Оьрч1ан лакку маз лахьхьин къабаву кьюкьалассар», — учай Пат1имат Кьурбановнал. Жунгу ва школалий дуллалисса мероприятиярдайн гьан лялич1ийсса гъера бик1ай, хъинну дак1 ц1ий, ларайсса сакиншиннарай дувайну т1ий.

Ва шяраву лакку билаятрахсса ччаву лялич1ийну ч1алан дик1ай. Лакку мазрал дарсирдай лакрал тарихравасса хавардугу бусайсса бур, лакку мазрах хъиннува гъера бутаншиврул.

Вана, уттигъаннугу ва школалий дунни «т1ирт1усса» мероприятие «Ниттил маз – ттул ччаву ва ххаришиву» — т1исса. «Т1ирт1усса» дарсирайн хъамал х1исаврай оьвкуну бия лакку мазрал дарсру дишайсса учительтурайн, библиотекалул ва культуралул зузалтрайн. Оьрч1ал буслай бия лакку билаятраясса хаварду ва бусаларду, ккалай бия назмурду.

Дуклаки оьч1ал ва культуралул зузалтрал ккаккан дурна цала х1адур дурсса концерт.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4