Жалобы на всё
Не убран снег, яма на дороге, не горит фонарь? Столкнулись с проблемой — сообщите о ней!
Меню
12+

Сетевое издание "Редакция "Голос времени"

06.05.2021 17:14 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Дяъвилия зана кьавхьуми дакIнин бичлай

Най бия Буттал кIанттул цIаний совет халкь немецнал чапхунчитуращал талатисса Хъунмасса дяъви. Га дяъвилийн цалла аьзизсса Ватан гъарачитурая дуруччин, мюрщи-хъуни къаку ну, гьаз хьуна цинявппагу ярагь кIунттил бугьан бюхъайми. Му бакъассагу, гьарца миллатрая хъинну чIявусса хьуна хушрай, цалла дакIурдил кьукьаврийн бувну, аьрайн лавгссагу. Дяъви бия ххишала бакъа захIматсса, ссибувцIусса. Муния тамансса аьраличувтал махъунмай, цала ужагьирттайн кIура баен къавхьуну, виртталну цалла жанну дуллуну, оьттул майданнай гьур ватрай ливчIуна. Анжагъ ц личIину хъун дакъасса Чапаев каллал шяравунгума 83 аьралийчу зана къавхьуна. Миннавасса цану хъанай ур Щамххалов Аьлиоьмаргу. Аьлиоьмар увну ур I925-ку шинал Ккуллал районналий, Бярнихиял шяраву, хъудугьул кулпатраву.

Дяъви байбивхьуну хъунма хIал къавхьуну, Аьлиоьмаргу хушрай лавгун ур душмантуращал талан.

Буслан бикIайва, Аьлиоьмар сивсусса, х IучI бакъасса, къирият дусса, пагьму — гьунар ххисса, зирангсса, захIмат ххирасса оьрчI икIайва тIий. Аьлиоьмардун гьуртту хьун багьну бия цикссагу талатавурттаву: Курс каллал талатавриву, Белоруссия наву, Украиннай, махъва-махъгу Германияву. Цумур фронтраухьурчагу, виричуну талай ивкIун ур. Щавурду дирну, госпиталлайн агьавурттугу хьуну дур.

Германиянаву Аьлиоьмардул жан дуллуну дур. Ганан дяъви- лул цIаравугу цала нину-ппу, ссурвал хъама къабитайсса бия, чагъарду чичайсса бия.

Бищунну кIива чагъар: ца лакку мазрайсса, цагу оьрус мазрайсса.

«Ссалам. Ассаламун аьлайкум, ттул ххирасса чIиви ссувай, Камилат. На цIуллуну ура, сагьну ура, так вил цIуллушиву чIа тIий ура. Ина цаппара хIаллайсса кьянкьа да, ссувай, цIуллуну ухьурча, ца-кIива зурува на вин зуруя зуруйн ссайгъат чан хьун къабитаванна. Ссувай, Камилат, ца вилла кагу рирщусса, цIу- цIусса хавардугу бивхьусса чагь- ар чича, уча ца балайгу. Мякьну ура зул чагьардах, хIачIансса щинахнияр.

Нагу вил уссу, Аьлиоьмар. 22.IV. 44 г.» Вана Щамххалахъал Аьлиоьмардул оьрус мазрайсса чагьар:

«Фронтовой привет. Здравствуте, дорогая сестра, Айшат! Примите от брата Алиомара горячий боевой фронтовой привет. Дорогая сестра, передайте мой привет матери, сестре и всем, кто спрашивает обо мне.

Дорогая сестра, жив и здоров, нахожусь на фронте, бью немецко-фашистких варваров, одержим победу и вернемся к вам с победой.

Дорогая сестра, скажите матери, чтобы она не думала обо мне, я, где бы ни был, буду жив, пусть она гордится, что ее сын добровольно пошел в Красную Армию за свободу народа...

Ваш брат, Щамхалов. Лейтенант.»

Аьлиоьмар ивкIуну ур Германиянал аьрщарай, шагьрулун цIа дакIний лирчIун дакъар, чагъардайгу дакъар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2